Microsoft ថ្មីៗ​នេះ​បាន​ប្រកាស​ពី​តួលេខ​ចែកចាយ license Windows 8 របស់​ខ្លួន​ថា មក​ដល់​ពេល​នេះ​ក្រុមហ៊ុន​លក់​បាន ១០០លាន license ហើយ។

Surface Pro

ទាំង ១០០ លាន license នេះ​បាន​រួម​បញ្ចូល​ទាំង license ប្រព័ន្ធ​ប្រតិបត្តិការ Windows 8 ដែល​ភ្ជាប់​ជា​មួយ​កុំព្យូទ័រ និង tablet ចេញ​ថ្មីៗ​រួច​ជា​ស្រេច បូក​រួម​ទាំង​អ្នក​ប្រើប្រាស់ update ពី OS ចាស់​ៗឡើង​ទៅ​ផង​ដែរ។ តួលេខ​ដែល​ក្រុមហ៊ុន​បាន​បូក​សរុប​ឃើញ​នេះ មាន​ការ​កើន​ឡើង ៤០លាន license បើ​ធៀប​កាលពី​ខែ​មករា​ដើម​ឆ្នាំ២០១៣ មាន​ត្រឹម ៦០ license។
នៅ​ក្នុង​នោះ Windows 8 និង Windows RT ត្រូវ​បាន​ក្រុមហ៊ុន​ជា​ដៃ​គូ​បាន​នាំ​យក​ទៅ​បំពាក់​លើ device មាន​ប្រមាណ ២៤០០ គ្រឿង​ដែល​ភាគ​ច្រើន​សុទ្ធ​តែ​ឧបករណ៍​ប្រើ touchsreen។
នា​ឱកាស​នោះ លោក Tami Reller ត្រូវ​ជា​ប្រធាន​ផ្នែក​ទីផ្សារ និង​ហិរញ្ញវត្ថុ​របស់ Microsoft ក៏​បាន​លើកឡើង​បន្តិច​ទាក់ទង​នឹង​ប្រព័ន្ធ​ប្រតិបត្តិការ​មិន​ទាន់​ចេញ​របស់ ​ខ្លួន Windows Blue ផង​ដែរ​ថា OS ថ្មី​នេះ​នឹង​ទទួល​បាន​កំណែប្រែ​ថ្មី​បន្ថែម​លើ Windows 8 ហើយ​នឹង​ចេញ​មិន​ឱ្យ​ផុត​ឆ្នាំ២០១៣ នេះ​ឡើយ។ ទន្ទឹម​នោះ​ក៏​មាន​ចចាមអារ៉ាម​លើក​ឡើង​ថា Windows 8.1 (Windows Blue) នឹង​មាន Start Button ឡើង​វិញ​ជា​ពុំ​ខាន។
ចុះ​ប្រិយមិត្ត​តើ​បាន​ប្រើ Windows 8 ហើយ​ឬ​នៅ និង​មាន​ License ដែរ​ឬ​ទេ?
បន្ត​តាមដាន​ព័ត៌មាន​បច្ចេកវិទ្យា​ថ្មីៗ​ទៀត សូម​ចុច​ត្រង់​នេះ …